Gjatë kontrollit të rregullt me radar, në orët e hershme të mëngjesit rreth orës 03:05, në rrugën magjistrale Ferizaj–Prishtinë, përkatësisht në fshatin Prelez i Jerlive, është evidentuar një veturë e tipit Audi me targa vendore, e cila po lëvizte me shpejtësi prej 115 km/h në zonën ku kufizimi i lejuar është 50 km/h.

Drejtuesi i automjetit, F.B., 41 vjeç, është gjobitur prej 300 euro, 3 pikë negative në patentë dhe ndalim i drejtimit të mjetit për një periudhë prej 3 muajsh.

Policia e Ferizajt ka deklaruar se do të vazhdojë me kontrolle të shtuara dhe veprime të intensifikuara në funksion të parandalimit të aksidenteve dhe rritjes së sigurisë në komunikacionin rrugor.

Policia ka apeluar qytetarët të respektojnë rregullat dhe shenjat e trafikut për sigurinë tuaj dhe të të tjerëve.

Për çdo shkelje apo rrezik në komunikacion, njoftoni Policinë e Kosovës përmes:

192 | 0290/326-250 | 0290/322-406 ose përmes aplikacionit “Lajmëro Policinë”.